樂基兒日前被揭已升呢做黎明嫂，黎太婚後繼續工作，如常行騷和出埠，她大前晚在上海為牛仔褲品牌出席宣傳騷後，昨日已趕返香港，在金鐘行騷。
樂基兒大前晚在上海示範牛仔褲（左圖），昨日匆匆回港再行騷（右圖），認真大忙人。
Jancie Man表示很滿意自己的高度。
樂基兒昨日和老公的愛將文詠珊（Janice Man）同場，更出手幫Janice Man造勢。原定每位模特兒獨自出場，但樂基兒待文詠珊JaniceMan壓軸出場時再亮相，孖住影合照，搶盡風頭。Janice Man被指得樂基兒帶挈，不夠高也升呢行騷，但同時又被指降呢接平價街頭job，對此她說：「冇睇（報道），高度係媽咪賜畀我。」會否努力增高？她說：「未知停止（發育）未喎，不過我都有做運動，唔會因為高度局限自己，反而搵男仔易啲。喺拍戲時搵男拍檔，香港market高度唔一定重要，當然，model越高越靚，但carry到啲衫、有自己character更重要。」她又否認頂爛市狂接平民job，表示公司有替她過濾工作，而自己稍後更會參演新片。採訪：羅慧敏攝影：陳慧安
樂基兒（左）力撐老公愛將文詠珊Janice Man，壓軸時與她雙雙出場。
