最近有傳謝婷婷將簽約王晶，昨日她和「新邦民女」Anjaylia等在尖沙嘴出席Barbie美容品活動。婷婷直認雙方洽談中，但未落實簽約，她說：「阿哥、父母都同王晶熟，佢揀我，我揀佢都好正常。」談到晶女郎離不開性感路線，她說：「Sexy唔使搵我，我未必fit到佢要求。」
陳碧舸為Anjaylia化妝，兩人一身粉紅甚為合襯。
對於有傳張栢芝在加拿大待產，婷婷詐儍說：「吓？又有咗，真係唔知喎。」至於有指她和安志杰（Andy）公開戀情但得不到拉姑認同，婷婷即解釋說：「我父母好開通，夠話媽咪唔鍾意栢芝，其實媽咪成日煲湯畀佢飲，又好關心Andy拍戲有冇受傷。」此外，Anjaylia本月升讀大學，她透露會如常素臉、穿Tee與牛仔褲上堂。
