黎明最近令文詠珊（Janice Man）迅速升呢成為「模art」，同公司的師姐王歌慧（Emily）由歌手轉型做模特兒，也瞓身為自己增值。說得一口流利英文、法文及普通話的她，現正在香港公開大學修讀經濟，希望充實自己的內涵修養，以免被out出模界。
現年19歲的王歌慧，早年被睇中簽約成為黎明（Leon）公司的歌手，今年順應潮流轉做模特兒，發展不錯，外界普遍受落。
王歌慧日前到學校圖書館溫書，十分認真。
Janice Man（右）成為黎明新寵，難怪王歌慧不敢怠慢。資料圖片
現年19歲的王歌慧由歌手轉當模特兒，盡展玲瓏浮凸身材的長處。
Emily和文詠珊現屬同一經理人公司，同是Leon旗下寵兒，Janice Man早前擔任老闆演唱會嘉賓後即時升呢成為「模art」，身為師姐的Emily也不敢怠慢，為自己增值。入行前Emily在加拿大讀書，返港不久便加入娛樂圈，但她仍依然很喜歡讀書，故此早前申請入讀香港公開大學修讀經濟，要應付了一連串考試，為了成功過關，Emily暫停工作以便專心溫習。日前Emily被目睹一臉素顏戴着眼鏡返何文田學校的圖書館溫書，埋頭苦幹個多小時，相當賣力。考試結果將於月底公佈，若果及格，Emily將會修讀4年課程。
拒做空洞派事後和Emily做訪問時談到讀書，她說：「我好鍾意讀書，雖然一邊讀書一邊做嘢係辛苦啲，但我可以頂得住，同埋我覺得識多啲嘢始終係自己得益，所以希望趁後生同有機會嘅時候盡量學多啲嘢。」是否擔心如部份o靚模因沒有內涵結果被out？Emily只說：「人哋嘅嘢我唔想講，總之我唔要做個空洞洞嘅人。」採訪：胡比 攝影：陳順禎
