蔡卓妍（阿Sa）竟放棄男友鄭中基改投黃宗澤（Bosco）懷抱？早前阿Sa狂追《烈火雄心3》而迷上Bosco扮演的Encore，大讚他又man又型，結果她早前拍新歌MV時自動要求找Bosco擔任男主角又攬又抱，而Bosco亦很識做地在MV賣大包濕身露兩點上陣，令阿Sa即時暈得一陣陣。
早前無綫劇集《烈火雄心3》大收旺場，收視理想，原來蔡卓妍也是忠實fans，她更迷上由黃宗澤扮演的Encore，早前阿Sa為新歌《生還者》拍MV，當工作人員問到她想找誰人做男主角時，她即時表示希望請Bosco演出，但工作人員向阿Sa大潑冷水表示因兩人屬不同公司，加上Bosco檔期緊密，故此成事機會很微，但阿Sa努力透過公司向無綫要人，終於成功找Bosco演出。
阿Sa摸Bosco耳仔時表現自然，但原來不到三分鐘，兩人已忍不住笑ＮＧ。
免阿Sa落水拍攝當晚導演要求兩人一同落泳池濕身，當Bosco知道後自動請纓單拖落水，他說：「女仔濕身比較麻煩，佢哋要做比較多準備工夫，不如由我一個落水算。」導演最後都答應由他一人頂上，Bosco穿上白恤衫和牛仔褲落水，上水時隱約露兩點，他笑說：「我自己MV都冇咁性感呀！」阿Sa則大讚他一如Encore般有義氣。
Bosco為免阿Sa濕身尷尬，也懶理透點，即自動請纓單獨落水。
唔玩簽婚書到拍攝尾聲時，導演表示要拍兩人的親密鏡頭，以表達他們情侶關係，但導演卻叫阿Sa和Bosco「自動波」演出，一時間令兩人不知如何入手，Bosco說：「我拍戲咁耐都係第一次緊張同尷尬。」兩人互望數分鐘後便拍攝，又攬又抱，阿Sa還摸Bosco的耳仔相當入戲，但不到兩、三分鐘，他們已忍不住笑NG。事後阿Sa大讚Bosco真人比上鏡更大隻，希望將來有機會合作，但問到阿Sa不怕胡杏兒呷醋？阿Sa先反問為何杏兒要呷醋喎？記者指兩人已是半公開的一對，阿Sa聞言識趣說：「杏兒都係一個專業演員，明白呢啲係導演要求，所以唔會咁嘅。」至於男友鄭中基？阿Sa則甜絲絲表示不回應。另外，阿Sa前晚擔任《勁歌金曲》表演嘉賓，對於近日劉德華被指涉重婚，阿Sa維護對方說：「畀多啲空間佢，好耐冇見佢笑，平時見佢精神奕奕，但家覺得佢好困擾。」阿Sa坦言不會玩簽沒有法律效用的婚書，她更說：「大個鍾意平淡同細水長流，如果要簽就簽真，自己都一把年紀，有真點解唔簽。」至於被追問現時的一段感情是否細水長流，阿Sa表示「希望係啦」，言下之意已視鄭中基為結婚對象。
