陳琪剖腹產大眼B女

現年31歲的胡諾言和34歲的太太陳琪，昨日榮陞父母，陳琪順利剖腹誕下重7磅4安士的女嬰，她表示安胎期間要戒口，所以希望產後可吃漢堡包飲可樂。胡仔大讚囡囡可愛，指可做o靚模勁敵。

其他娛樂名人影片胡諾言和陳琪今年4月奉子成婚，女方在婚後立即停工安胎，二人昨日擇好吉日到九龍聖德肋撒醫院剖腹產女，胡仔昨午親證陳琪順利誕下重7磅4安士的囡囡。

胡仔昨早9時多把太太陳琪接載到醫院待產，同行還有工人帶着大堆行李，陳琪表示醫生最初指BB的預產期是本月14日，但二人希望BB在好日出生，所以特別找堪輿家李丞責擇好日子剖腹取嬰，最終母女平安。陳琪更大爆老公胡仔其實十分緊張，她說：「今朝嚟醫院前，我哋一齊食早餐，講開先發現佢（胡諾言）漏低車匙喺架車度，架車泊咗喺停車場，仲未熄車。」胡仔卻為烏龍解畫：「其實我緊張太太落車，所以先唔記得。」由於豬流感肆虐，胡仔無緣進產房剪臍帶，他又說：「我準備咗攝影器材幫BB影相留念。」胡仔指戒吃牛肉一年，祈求母女健康，陳琪說：「生完BB，我最想飲可樂同食漢堡包。」胡仔一連兩日向劇組請假照顧妻女，至於陳琪則會在後日帶BB回家團聚。
鼻高高似爸爸記者昨午致電已為人父的胡仔，他心情大靚：「好開心，囡囡好健康，佢眼大大，鼻高高似我，膚色白裏透紅，嘴仔似媽咪，醫生話佢喊聲好大，又多頭髮，見到囡囡，我諗班o靚模會有威脅啦。」問到胡仔可會再努力追個仔，他說：「呢啲嘢等個天安排。」胡仔只希望囡囡長大可以做個有用又孝順的人。