古巨基拒賭城娶女友

古巨基、薛凱琪（Fiona）及泳兒等，昨日在將軍澳電視廣播城錄影節目。談到關淑怡昨日被本報獨家揭發24年前在賭城結婚，基仔聞言笑說：「真係犀利，24年前嘅嘢都查到，我唔會去賭城結婚，可能最危險嘅地方就係最安全，可能反而喺香港冇人知。」早前基仔曾和關淑怡合唱《男左女右》，基仔表示期間大家未有談到結婚問題，他也意識不到對方曾結婚。
Fiona指港保守Fiona談到關淑怡結婚一事說：「雖然係咁耐嘅事，但始終結婚都係開心嘅事，能夠可以喺做嘢圈子中搵到伴侶相愛係好難得。」她直言結婚乃正常事，在外國娛圈也很普遍，但香港一向風氣是比較保密，若果將來自己結婚被人發現必定會承認。