徐濠縈昨日在尖沙嘴美麗華酒店出席LG最新水晶手機發佈會，同場多位模特兒穿上Noel Chu透視服裝行騷，喜歡透視的徐濠縈，笑言老公陳奕迅（Eason）最喜歡她穿上透視睡衣，她說：「Eason最鍾意我着透視睡衣，不過今日係水晶透視，今日做嘢要尊重場合，留番畀模特兒着。」問她會否在家中穿透視裝迎合Eason？她說：「唔會，因為鍾意睇多啲。」徐濠縈又透露近期迷戀Lady GaGa，不過她不相信LadyGaGa是雙性人，她說：「我睇過佢東京同澳門個演唱會，見到佢對腳同臀部都好女仔，我個女都好崇拜佢。」問會否將女兒打扮成LadyGaGa？徐濠縈說：「咁又太激，不過佢真係好有型，我仲唔介意個女前衞，佢着啲大膊衫朋友都話似我。」採訪、攝影：Law Wai Man
徐濠縈（中）與模特兒一起展示最新的水晶手機。
