林志玲雖然入行唔太耐，喺電影《赤壁》又俾人彈佢雞仔聲，不過就帶挈佢殺入日本市場，最近仲俾日本天王組合SMAP睇中，邀請佢拍攝新歌《瞬間心動》（暫譯）嘅MV。
林志玲長髮飄逸晒手臂，令日本網民暈其大浪。
MV劇情講述寂寞志玲喺公園遇上大口仔香取慎吾。
林志玲喺噚日首播嘅SMAP新歌MV（圖）中，扮演寂寞OL，展示甜美笑容。
換平底鞋襯木村個MV噚日喺日本首播，林志玲飾演寂寞OL，因為工作唔開心，悶悶不樂匿喺公園，要由木村拓哉、中居正廣、香取慎吾、稻垣吾郎、草彅剛五個靚仔輪住唱歌佢先笑番。因為林志玲要扮OL，所以着嘅衫都密密實實，不過導演識做，特登留番一鏡畀佢除低外套，大晒優美背部線條同34C咪咪側影，冧得日本網民暈得一陣陣，仲大讚：「志玲真美，跟SMAP很配！」最搞笑係因為佢高過木村，所以拍兩人共舞嗰陣林志玲都要換番對平底鞋遷就。木村就話：「雖然合作的時間很短暫，但與她相處起來十分愉快。」林志玲都禮尚往來話：「從沒想過能跟SMAP一起合作，就像做夢一樣，很開心，很興奮。」SMAP迷等佢哋呢首新歌等足一年，仲係草彅剛醉酒晒雀事件後復出之作，今次搵林志玲拍MV，證明佢真係好受重視。
