話說我在星期日在旺角區周圍睇假眼睫毛，我自己植開蛋白絲果隻，所以想找Ｄ都係超幼細的長睫毛，但其實都唔係咁易找。我去到旺中二樓一間舖，佢舖位外放晒Ｄ眼影比人試的，我入左去第佢Ｄ假眼睫毛，個位sales 好有禮咁講：想找邊Ｄ款睇下幫唔幫到你。跟住我亦都回答佢：我睇睇先，唔該你。佢display約有30款睫毛，但全部都係粗的和誇張款，唔係好啱我。因為佢舖位也不大，所以唔阻人咁耐啦，期間我冇睇其他嘢逗留咗約20秒就走咗，出門口時，有個女仔入舖，望住那位sales說：喂，做乜你個樣咁嘅？(舖內當時冇其他人，但門口就好多人)，我當時冇為意照行出去，但都聽到那位sales說：冇，見到個奇奇怪怪嘅人囉。我行到出門口轉咗右，但見冇嘢行，就即時轉左，就在這時候我見到那個剛入舖的女仔已經行番出來，視線放在我後頸上,因為我改了方向行，所以也剛好和她四目交投！她即時的反應是顯得有些不好意思，咁即是我就是佢口中“奇奇怪怪“的果個人啦，但佢又唔係正面同我講我冇理由走入去問佢自認啫，真係激氣，放假行街無端端要受佢氣。我自問不是不修篇幅，也沒有體臭(哈哈，打字時自己也笑了)，最得罪她的只是冇同佢買嘢啫，駛唔駛咁，都唔知佢點做生意，請佢個個真係慘，如果舖頭係佢嘅，佢態度仲唔改就真係祝佢好運。
好彩之後响銀城買到，上面有間箱仔舖，一上電梯就睇到，有成排眼睫毛好多款，仲好多扮靚的雜貨賣，仲唔貴，我買咗假眼睫毛同用來整頭髮的工具，整頭髮的工具５蚊咋都慢慢試比我睇，仲好有禮貌！行入Ｄ仲有間3蚊店，3蚊可以買到乜呢？我入咗去行一圈，都買咗個民族電話套，電筒仔，同一個掛嘢的勾，以3蚊貨來講都幾好㗎。
[ 本帖最後由 mercurywong 於 2009-8-24 14:07 編輯 ]
如果您喜歡這篇文章，請按「讚」或分享給您的朋友，以示鼓勵。
