Youtube噚日出現一條熱播片﹕「港女m記怒罵愛滋男友」，上載短短一日，就有超過8萬人睇過，至噚晚觀眾更突破9萬，非常厲害。
呢條片「偷拍」一對男女喺麥當勞 鬧交，女方鬼咁大聲咁鬧個男子「污糟」，話佢唔知喺邊度惹到愛滋，仲懷疑佢將愛滋惹到自己。個女仔係咁鬧係咁鬧，嘈到餐廳嘅職員都側目，最後……女仔嬲到爆拂袖而去。
至噚晚，關懷愛滋病團體「關懷愛滋」傳來新聞稿，話呢條係口地同浸會大學傳播系工作坊新公關廣告社」合作嘅宣傳片，叫「愛滋，愛知部落格」。
關懷愛滋」項目總監何施琪話，希望透過短片內容，等青少年同市民對愛滋病作出反思同廣泛討論。
短片中男主角向女朋友透露感染者嘅身分，之後所面對嘅指摘和捨棄，正正就係反映感染者所面對或最擔心嘅問題。讀者有興趣不妨上網睇吓，反思吓呢個問題。
[
本帖最後由 mercurywong 於 2009-8-18 21:53 編輯 ]
