美食展煞科前大開倉底貨掃清

1^# 大中小 管理員 發表於 2009-8-17 11:47 發短消息只看該作者

美食博覽今日煞科，有參展商昨日貼出「全部半價、蝕本離場」噱頭搶客；部份熱賣美食參展攤檔，抵擋不了入場人士的人海攻勢，連倉底貨也給搶購一空。有掃貨人士坦言，入場購物易受熱鬧氣氛影響，有家人曾在工展會買下大批平貨，結果吃不完過期導致浪費金錢。大批抱着執平貨心態的市民，趁昨天假期全家總動員，希望在美食博覽煞科前聯手入貨。有參展商捉緊消費者貪平心理，在攤檔貼出「全部半價、蝕本離場」、「開心價」、「出位價」、「買一斤送半斤」等字句作招徠。

10元有交易遍佈全場賣鮑參翅肚的參展商黃成興負責人黃隆強解釋，「蝕本貨」實際只是行內促銷招數。他說，「做生意有賺有蝕，呢度平啲，第二度賺番。」他透露，銷售成績頗理想，而且早已歸本。售賣加拿大入口賓仕牌煙蠔攤檔，出動人肉廣告牌，高舉「勁！要錢唔要貨！」推銷員說，原價每罐29元，優惠價只賣10元。其實10元有交易的攤檔遍佈全場，參展商採取十元八塊的銷售策略，以山大斬埋有柴「搶錢」。有參展商煞科前已大收旺場。首次來港售賣新加坡薯片的參展商方藝，昨日在攤檔貼出「反應熱烈，全部售罄」的字句感謝顧客。他說，沒想到美食博覽人流如此多，帶來的貨品前天下午已賣光，雖然令他大失預算賺少了，但還是開香檳慶祝。鍾情於台式小食及日本急凍海產食品的市民，遇到人多擠擁反而提高購買意欲，搶購心頭美食。新華日本食品有限公司負責人彭先生說，「有部份產品，連存倉最後一批貨都賣埋。」他預料，今年營業額可望破120萬元。家住黃大仙陪媽媽掃貨的陳小姐坦言，「其實有啲價錢唔係平好多。只係俾個氣氛影響去買。」她笑說，「（其母親）以前喺工展會買咗大批湯包，結果放得太耐過晒期，最後全部掉晒。」

美食博覽煞科部份搶手貨搶手貨（攤位號碼）：安怡奶類飲品（1E25-18）着數價：每盒1元搶手貨（
攤位號碼）：榮記日本八爪魚（1D17-27）着數價：每隻128元搶手貨
（攤位號碼）：黃成興鮑魚禮盒（1B09-23）着數價：每套200元另送一罐鮑魚搶手貨
（攤位號碼）：九份御雪卷（1A05-14）着數價：每條18元搶手貨
（攤位號碼）：台灣黑橋牌香腸（1B06-15）着數價：3包130元資料來源：有關參展商

美食博覽煞科前夕，有參展商貼出買一斤送半斤招徠，顧客即擠滿檔前搶購。
張志華攝

廷伸閱讀/相關主題推介:

相關優惠:開倉美食展

如果您喜歡這個優惠，請按「讚」或分享給您的朋友，以示鼓勵。

TOP

2^# 大中小 windmich (IP: x.0.0.x) 發表於 2009-8-17 11:51 發短消息只看該作者

本來想去，但感冒緊，搞到惡化就手尾長...

TOP

3^# 大中小 管理員 發表於 2009-8-17 13:09 發短消息只看該作者

回覆 2# windmich 的帖子

哈哈,係咪豬流感

TOP

4^# 大中小 mercurywong 發表於 2009-8-17 13:34 發短消息只看該作者

回覆 3# 瘋之子的帖子

人地病左你仲笑人,windmich我幫你

TOP

5^# 大中小 gel (IP: x.73.12.x) 發表於 2009-8-18 00:50 發短消息只看該作者

其實今次個美食博覽又真係唔係平好多,我星期六約6:45pm 至入場,都幾多人吓,感覺似去年宵,有好多試食...但要比錢買(試食價都唔平),不過由於氣氛帶動下,都有幫襯試食(因有d為食)&then 買咗小小野, 好開心買左Korea 人參雞湯....返到屋企就立即cook 黎飲...好味(出面越賣越貴,好耐冇買過呢)!!仲有幫襯左Taiwan 肉腸.....

仲有d肉骨茶,杏仁餅,鳳凰卷....而..楊支金露就真係勁平啊

行到9:00就走人,對腳真係好攰呀.....唔怪得之見d人喺場內外坐晒喺地,真係大戰過後咁.............其實我都想買d湯包,罐頭,長腳蟹,等等....但又唔多想拎,就咁算把啦!!!到此為止買住小小野。(不過我估如果唔係同我老公去嘅話,應該我自己會勁買囉,哈哈,)

TOP