劉心悠和吳雨霏（Kary）昨日在金鐘出席護膚品牌活動，即場分享護膚心得。她們謂睡眠充足最重要，劉心悠更表示：「當我覺得攰嘅時候就要瞓一陣，休息夠再做嘢。」二人同聲表示拒絕為男友洗面。
春風滿臉最近Kary與網球王子洪立熙傳緋聞，被問到男友的事即滿臉春風，承認與男方從小便認識，Kary說：「朋友之嘛，佢係一個好男仔，但今日唔好講呢啲嘢啦，一切隨緣。」一直不公開戀情，是否怕承認拍拖引來壓力，她說：「哎唷！我好低調處理感情事，以工作行先。」Kary讚洪立熙是好男人，記者謂若不是拍拖，可介紹給劉心悠認識，在旁的劉心悠也變得尷尬說：「感情嘅嘢都係隨緣啦！我都識佢（洪立熙），我同Kary有共同朋友。」
Kary與劉心悠（右）結伴在金鐘出席IPSA美容活動，分享護膚心得。
