佘詩曼撐鄭嘉穎有風度

現年34歲的佘詩曼經常與合作拍劇的男星傳緋聞，自去年9月被爆與鄭嘉穎撻着後，更多次被拍得密會，但兩人始終否認相戀，日前有周刊撞破兩人約會，鄭嘉穎更被指狠心踢阿佘落車。
「佢係有車過我」昨日阿佘聯同黃子華、呂慧儀和許紹雄等人，到旺角出席新劇《絕代商驕》宣傳活動。提到被嘉穎踢落車，阿佘明顯有備而來，她更罕有地力撐愛郎說：「佢係一個有風度嘅人，唔會係咁，係雜誌咁寫啫，佢係有車過我，唔係成日，佢一定唔會做咁嘅事。」問到她與嘉穎現時的關係時，她說：「朋友囉！從來冇講過乜，亦都冇講過地上定地下，係雜誌講，我哋係友好關係。」昨日嘉穎到銅鑼灣出席銀行宣傳活動，被問到何時儲夠老婆本時，他說：「好難話夠唔夠，總之都係努力當中，等我再拍多幾個廣告先喇。」此外，首次拍劇的賈曉晨（JJ）謂拍劇十分困難，因要背很多對白，幸好同劇的黃子華幫了她不少，她說：「佢教我用自己嘅說話嚟講對白，而且拍呢套劇超爆笑，有時自己都忍唔住笑。」