尹蓁晞（Yumi）和周倩圯兩代不同的模特兒昨日到觀塘apm出席應屆會考生打氣活動，一向作性感打扮的Yumi穿上低胸小背心及熱褲，更不時露出乳溝，由於現場不乏學生哥，她的服飾似乎未配合活動，就連前輩周倩圯也看不過眼暗寸她說：「冇話唔適合，佢都係襯番佢嘅年紀，不過同啲同學打氣就應該着得端莊啲，因為你着得端莊同靚係為自己，唔係為人去着。」
周倩圯（右）指Yumi穿上高踭鞋才與穿平底鞋的自己一樣高，明踩她矮。
久未露臉的周倩圯否認被o靚模搶去不少工作，她強調因為胃病問題休息了半年時間，不過她也有留意o靚模的報道，並大感風氣不健康，她說：「我覺得有5呎9吋先係model，佢哋只可以話talent，可以多元化發展，我覺得唔好太刻意着三點式，不過佢哋啲身材真係好犀利，自己都想請教佢哋食乜會發育得咁成功。」Yumi對於被指不夠高完全冇有怕，並直指現時香港甚少女性有5呎9吋高，她更還擊說：「時代唔同，喺日本都唔係高先做到，自己今日着得好青春，亦都冇諗過要hardsell性感，可能差唔多M到，個胸先勁咗，係啲人覺得我刻意性感。」
