謝婷婷同安志杰嘅戀情，愈嚟愈浮上面，就連家庭活動都孖住出席，雖然佢哋繼續唔認拍拖，但點會有人信！
早幾日，媽咪姐喺跑馬地撞見謝婷婷，當日佢戴住副黑超，低胸背心襯熱褲，鬼咁養眼。頭髮都未乾嘅佢，睇嚟好趕時間，佢一跳落保母車，就走去㩒咗五百蚊，以為佢攞錢做乜？只見佢急急腳去買咗包薯片，買完又一支箭衝過馬路上咗安志杰屋企。可以令到婷婷連見面都心急成咁，媽咪姐惟有讚句：「安志杰，你真有計！」
披頭散髮嘅婷婷，特登去㩒錢，但只係攞500蚊咁大把。以為佢攞錢做乜？原來只係買包薯片。
跟住佢就上咗安志杰屋企。漫漫長夜，一包薯片夠唔夠食呀？
