自從有台灣「童顏巨乳」之稱嘅郭書瑤（瑤瑤）加盟種子音樂之後，一向露慣肉嘅佢，就即刻被新公司勒令封咪，宅男即時冇癮，瑤瑤都知自己除咗賣「咪」之外，都冇乜好賣，所以公司唔准佢賣「咪」，佢惟有搞吓花臣。
上週六（18日）瑤瑤喺台灣出席一款提神液宣傳活動，雖然照樣封咪，但着住黑色熱褲嘅佢，不時用手猛拉短褲邊，跟住飲提神液時，又故意用脷尖頂吓頂吓支飲管，舔到台下男觀眾變晒「陳拔」，呢啲咪醒囉。- (id:kenwchch)
FBI唔明，點解飲嘢要伸脷，頂吓頂吓呢？其實想引死班餓男啫。
忽然保守
封咗咪，瑤瑤惟有靠下半身騷「哥利」，不過當日佢經常扯住褲邊驚走光，冇以前咁開放。
自瑤瑤簽新唱片公司後，以往露咪嘅習慣就要收起，咁做係玩瑤瑤定玩fans先？台灣《壹週刊》圖片
