周三是會考放榜大日子，一眾o靚模的會考分數被網民大起底，動漫節人氣最旺，有34Ｅ逼爆身段的鍾蕙芝（Lavina）原來會考考獲14分，成為o靚模中的榜眼。但D Cup人氣模周秀娜（Chrissie）卻只得６分，比前者少近一半，令人失望。
周秀娜直認在會考中只考獲6分，只因當時沒心機讀書，希望fans不要學她。
在寫真戰中，Chrissie以一系列出人意表的宣傳伎倆，成功擊敗身材同樣出眾的Lavina，寫真賣個滿堂紅。不過在會考戰場上，Lavina卻以14分，不費吹灰之力輕勝只得６分的Chrissie一半有多！
有網民近日在討論區上，羅列Chrissie、Lavina、Angelababy、JaniceMan、Kama、趙碩之、陳嘉寶（Anjaylia）等o靚模的會考分數，當中以考獲18分的Anjaylia成為o靚模「狀元」，原來Lavina亦在會考中取得14分，成為「榜眼」，完全符合升讀中六的要求，打破胸大冇腦之說。而Angelababy也有13分，成為「探花」；反觀上圍比Lavina少一個級數的Chrissie，卻是冇心向學一族，只得６分。不過低處未算低，趙碩之、Kama、JaniceMan的分數比Chrissie更低，趙碩之只得五分，Kama和Janice Man敬陪末席，只得兩分。
重讀商科大躍進記者致電Lavina，她承認會考分數有14分：「我讀商科嘅，雖然我第一年考得８分，但重讀有14分，最好嗰科係Business攞Ｂ，我覺得讀書最緊要有恒心。」對於o靚模被指無心向學，問Lavina是否覺得自己的成績帶來正面訊息？她吐氣揚眉地說：「可以咁講啦，係一個正面教材，唔想啲人成日對o靚模有誤解，其實好多模特兒讀書都好好！」
對於會考只得６分，Chrissie在接受電話訪問時直認不諱：「係呀，我會考得６分咋，因為嗰時冇心機讀書，大家千祈咪學，求學應該畀心機。（有冇後悔？）每條出路都唔同，讀書唔係人生嘅全部，讀到當然要努力，讀唔到嘅最緊要知道自己興趣係乜！」
成為o靚模狀元的Anjaylia對於自己考獲18分只屬不過不失，會考中文奪Ａ的她下學年度便升讀樹仁大學，她表示就算會考失手也不要灰心，因為升讀大學有很多途徑，自己現在會以學業行先，工作第二。
除了一眾o靚模被大起底外，很多藝人的會考分數也被網民如數家珍，鄧麗欣（Stephy）以全Ｄ成績跟傅穎這對宿敵最夾，同得12分。
自認警覺性較高此外，Lavina昨日出席動漫節活動時，提及日前Melody被非禮一事，問她可否知道還有o靚模遭殃？她說：「我只係知道Melody被非禮咋，佢好慘呀，其實衣着性感都係工作所需，但都唔可以因為我哋着得性感而行兇！不過我就唔會好擔心，因為自己警覺性比較高，所以如果我遇到呢啲事，一定將佢捉住！」
文：專案組
有34Ｅ逼爆身段的Lavina會考有14分，令人驚喜。
藝人原來亦不乏「讀」得之人，在會考中考取高於中六收生標準的14分，當中孫耀威及莫文蔚更有多科奪Ａ，而豪門少奶李嘉欣亦有21分的好成績。
Anjaylia
o靚模組Anjaylia 18分
Lavina 14分
Angelababy 13分
周秀娜６分
趙碩之５分
Kama ２分
Janice Man ２分（本人拒絕證實）
