鍾蕙芝（Lavina）原本有份參加今屆動漫節的「ACG Image Girl」選舉，後來她聲稱因合約問題而退選，結果臨時找來年僅15歲的師妹劉佳欣（Leanna）上陣。昨日Leanna和其他參賽者在動漫節上亮相，各人分組玩遊戲。眾參賽者中以曹卓榣（Cc）造型最性感，問到會否擔心如o靚模Melody般疑似被摸pat非禮？她說：「我唔擔心，咁多人保護我，如果真係發生我會第一時間報警，唔會事後先去。」此言是否寸Melody後知後覺？Cc即說：「我冇講過。」
Leanna頂替Lavina出戰，信心十足。
至於頂替Lavina出戰的Leanna表示不覺得執二攤，她說：「我噚日先第一日綵排，好彩其他參賽者都好幫我。」會否如Lavina以性感出位？Leanna說：「佢身材好，係應該騷優點，我就唔會，家仲係摸索緊。」
曹卓榣造型性感，她謂若被非禮會第一時間報警，不會事後才去。
