有動漫Maggie之稱的李曼筠，2006年在香港動漫節以爆乳look宣傳online game而備受注目，繼而被網民冠以動漫Maggie的稱號，之後便加入娛樂圈拍電影。
李曼筠成名後，曾替雜誌拍近乎全裸的照片。
可是Maggie昨日到apm出席活動時，記者問她會否出席今年的動漫節，她竟不屑地說：「暫時唔會啦，我寧願去寵物節都唔去動漫節，因為我做咗媽咪，養咗兩隻貓，所以想去寵物節。」問她是否因為太多o靚模爭食而令收入大減？Maggie即不客氣說：「動漫節唔係畀人搵食，係畀人搵錢嘅，工作呢啲冇得搶。今年係有人搵我去，但時間配合唔到推咗，我以前未簽經理人公司，家就由公司幫我安排。」對於周秀娜推出人形咕，Maggie認為沒有問題，因為日本一早有此類產品出現。但有人笑言日本推出的是AV女優，她說：「着唔着衫都係女仔，人形攬枕靚啲，Mary（吹氣公仔）就醜啲。」Maggie不排除日後會考慮推出同類型產品，問她知否男士買了咕後有何用途？她說：「應該唔會做猥瑣嘢，我又唔係男人，你哋問番啲男人啦。」
李曼筠06年以超清凉造型宣傳網上遊戲，後被冠之動漫Maggie之名。
