o靚模由書展鬥到動漫節，更升級到你死我活階段，昨日Lavina（鍾蕙芝）辣㷫火頭，高調退選動漫女郎，擺明嫌評判36D趙碩之和戴夢夢未夠班。至於大師姐戴夢夢反擊指是Lavina沒資格參選，兩幫人隔空罵戰。
香港動漫電玩節2009今日揭幕，趙碩之、戴夢夢和Melody（陳若嵐）獲邀做動漫女神，並擔任ACG Image Girl比賽評判，有份參選的Lavina昨日突然高調退選，據知她不滿大會邀請上述三女做評判，嫌她們未夠班。
左起：Lavina、E Cup Baby、Rainbow、Monique和Tian昨日到銅鑼灣宣傳寫真集的慈善版。
記者昨日致電Lavina的經理人Admond求證，他說：「因為佢同另一間公司合約訂明唔可以參選，所以立即通知番參展商。」是否認為趙碩之等人未夠班做評判？Admond說：「咁佢哋真係未夠資格評Lavina。」Lavina對於退選都顯得有點失望，她昨日在電話中說：「我本來諗住吸收一啲經驗，但家因為合約問題，好可惜。」是否不滿趙碩之等人做評判？她說：「我相信佢哋審美眼光，不過今日佢哋評我，下次唔知會唔會我做番評判，喺台下評番佢哋。」Lavina退出後，該比賽現剩曹卓瑤（Cc）、Eunis（李麗虹）、Seacole及Stephanie等有8位o靚模參選。Lavina昨日與E Cup Baby（劉欣宜）、Rainbow（胡心諾）、Monique（周凱盈）及Tian（勞詠君），以Cosplay打扮到銅鑼灣出席寫真《夏之盛放》慈善版記者會。對於周秀娜挾書展餘威，乘勢在動漫節推出噴血攬枕，Lavina說：「我想將焦點放落寫真度，我唔鍾意跟人哋，如果係我會出一啲比較實用嘅嘢。」她又說：「我唔覺得（攬枕）色情，但係要睇吓攬住啲人點諗。」
夢夢強調資歷深昨日記者致電給夢夢，她說：「佢（Lavina）係代表一間遊戲機公司參選，不過間公司話因為啲合約問題，所以佢冇得選，係佢冇資格選，好似賴咗我哋咁，其實係佢未夠資格參選。大家唔同grade，我早出道過佢，我又唔係影寫真模特兒，我哋去做評判又唔係只睇身材同個樣。」夢夢又謂不認識對方，她只是有些愕然，現在的新人說話十分大膽。此外，昨日戴夢夢和趙碩之到旺角跟導師學習製作珠鏈首飾，夢夢表示會在動漫節宣傳下周一推出的大碟，若銷情理想更會送6條親手做的手鏈給fans，她半開玩笑說：「Chrissie（周秀娜）佢送5個香吻吖嘛，所以我咪送夠6條手鏈囉，同埋送好過派奶派雪糕囉。」採訪：何永寧、張俊銘、比華利攝影：陳俊強、黃文成、仇志德
Lavina稱因合約問題而不能參選，覺得非常可惜。
