大儍哥成奎安最近因鼻咽癌復發，有報道話佢瘦到唔夠100磅，噚日馮仁昭打電話畀盧惠光，佢話：「前日係去探過大儍哥，我嗰日係想打電話叫佢打台灣牌，但佢同我講話喺醫院做緊檢查，咁我咪去咗醫院睇佢，見佢行得走得，精神唔錯，係瘦咗啲，但頂多瘦咗二、三十磅啫！」
問到光仔大儍哥家病況係咪惡化咗？佢話：「我冇問佢病情，見佢面色都唔錯，我就同佢講，出院要打牌，記得打畀我，佢就話好。」另一位曾經探過大儍哥病嘅電影幕後人就話：「大儍哥今次復發，情況係幾嚴重，但佢好堅強，會同癌魔搏鬥，作為朋友我哋當然會支持佢，早幾日探過佢，同佢都有講有笑，不過今次入院佢都想低調，唔想俾人知，所以大家唔好去醫院煩佢啦！」
成奎安活躍好動，即使佢有病在身，都成日出嚟同班波友見面。 資料圖片
