一連七日的書展今日閉幕，昨日罕有地沒有o靚模宣傳寫真集，黃婉佩（Race）和蕭希榆兩人即時瞄準機會，更來一個書展crossover，攜手互撐對方寫真，由於發生鄭融遭胸襲事件，兩人昨日接受訪問時雙手護胸，更齊聲否認寫真助歪風。
一年一度的書展今日閉幕，由於今年書展被一班拋胸露肉的o靚模侵佔，在現場既派雪糕又飲奶，話題搞作日日新鮮。不過昨日書展卻罕有地沒有o靚模宣傳寫真集，即時令到屬同一經理人公司的黃婉佩和蕭希榆（Ruby）成為焦點，皆因兩人昨日齊現身書展宣傳寫真集，更來一個crossover。
Race（右）聯同師妹蕭希榆一同搞簽名會，她聲稱不擔心被揩油。
Race和Ruby昨日以略為性感的服飾現身書展，吸引近50人圍觀，場面混亂。由於前日鄭融被胸襲，所以女藝人出現公開場合時也顯得小心翼翼，聞鹹豬手色變，Race和Ruby連接受訪問時也以雙手護胸。Race大讚師妹Ruby身材比不少o靚模好，及後當得知鄭融被胸襲時，她說：「哎吔，好慘，如果新加坡犯非禮罪就會好嚴重，自己平時出席活動都會雙手護胸。」對於有指是因為近日的寫真集熱潮助長歪風，Race說：「唔可以咁怪人哋出寫真集，平時港鐵都會發生，唔可以賴寫真，自己做錯就要認，銀行都有好多錢，咁都唔可以去搶，而且鄭融都冇出寫真，所以唔可以咁講，如果真係咁，啲o靚模嚟書展都俾人非禮啦。」
蕭希榆寫真內不乏三點式泳衣照，盡騷索爆身段。
