HotCha最後寫真誘歌迷

HotCha三女昨日到書展攤位為她們的寫真集舉行造勢會，由於二百名歌迷逼爆現場，活動舉行半小時即告腰斬。

今次是HotCha第三次出寫真集，問HotCha是否新書銷量差就冇得撈？她們坦言：「我哋都出咗三年，年紀又大咗，所以今年應該係最後一次。（人老珠黃？）係呀，太大個冇人睇，再影就要影啲唔同感覺畀大家睇。」三位成員在書中亦各自撰寫有關星座和烹飪的文章，以及愛情小說，問她們可有遇過愛情騙子？HotCha異口同聲表示：「冇，最多只係幻想或者單戀啫。」


HotCha獲大批歌迷支持。