Yumi這張疑似露乳暈兼露半球的禁相，全因T恤移位出事，事後大名娛樂為免寫真集中有走光相流出，把相片抽起。
o靚模寫真大戰一觸即發，紅如周秀娜都要露毛舔雪糕搶客，其他o靚模更要搏盡。挾住「趙碩之師妹」之名出道嘅大名娛樂新人Yumi（尹蓁晞），上圍33C，為了突圍而出，早前去海南島取景拍寫真，Yumi就講明唔介意全裸出擊，點知最後有3張相片由於影得太激，被老闆林建明下令抽起，禁止出街。
該3張禁相無緣在寫真中出現，但卻於日前外洩，相中Yumi側身露乳暈、裸上身以及與師妹Melody玩les肉搏，意識大膽，難怪老闆林建明要禁。
Yumi（尹蓁晞）今次聯同師妹Melody拍攝的寫真集《My Yumi My Melody》，全書在海南島取景，花了過百萬製作費。早在6月8日舉行寫真集開鏡拜神儀式時，Yumi已透露會搏到盡，「若果拍得有藝術感，可以考慮全裸，fans都鍾意有遐想嘅相。」而被問到兩女一齊拍，會否令人有聯想，Melody坦言：「最驚人唔諗啫！有人諗即係有人鍾意囉！」
半裸掩胸
Yumi曾坦言不介意全裸拍攝寫真，所以半裸拍攝這張照片時亦無詐型，反而是老闆林建名認為太性感要抽起。
據知，Yumi這本在7月22日書展推出的寫真集內，本來跟Melody拍攝了女同志味甚重的合照，更有半裸和不慎露暈的相片，可惜老闆林建名檢閱後，一怒之下全部抽起。知情人士說：「呢排外界對o靚模好反感，o靚模形象俾其他人搞到cheap晒，林生覺得如果呢個時候推出啲相，會俾人以為Yumi都係走呢條路線，長遠計寧願抽起啲相唔出。」
本周一（13日）下午，林建名出席港男宣傳活動時，被問到抽起性感相一事，他直認不諱，「我哋公司係走健康路線，影相嘅時候當然好興奮，有時藝人控制唔到，都會影咗啲走光相。（聽聞有啲唔係走光，只係性感你都抽起咗？）我啲女仔係唔可以俾人覺得cheap嘅！我哋唔行呢啲路線，唔係做一排就算。」
至於有傳趙碩之因不滿公司為Yumi推出寫真集，令兩師姐妹不和，林建名就解釋，「我對旗下所有藝人都一視同仁，趙碩之出過，就應該輪到第二個，每個都會俾機會，因應佢哋嘅專長安排工作，成唔成功就要睇佢自己啦！」對於時下o靚模風氣，他就說：「香港係百花齊放嘅，書展都係一樣，大家各有各做啫！不過我就希望我啲女仔健康啲囉！」
雖然冇超性感相做賣點，但Yumi的寫真集會跟潮牌「Cream Soda」crossover推出限量版T恤，希望殺出一條血路。問Yumi影咗嘅性感照被禁會唔會可惜，佢話：「都唔會嘅，入面仲有好多靚相，老闆咁做都係為我好。」Yumi聽教聽話，難怪成為林生新寵。
