呢排一直留响橫店拍攝新戲《狄仁傑》嘅劉德華，上個禮拜六（十一日）專登請兩日假返香港，出席代言咗十年嘅廣告商舉辦嘅慈善活動。
橫店氣溫高達四十二度，仲要拍古裝，身經百戰嘅劉華都話頂唔順，仲投訴點解橫店影城唔安冷氣。（哥哥，如果拍現場收音，點開冷氣呀！）
唔知係咪熱壞咗個腦，當日司儀李麗蕊問劉華，同飲品廣告合作以來，邊次最難忘？劉華諗都唔諗就答：「最難忘係有次佢哋搵咗個同我個女一樣大……嘅細路女嚟拍廣告……」
劉華有個女？當佢知道講錯嘢，當堂窒咗一秒，之後當無事發生繼續講落去。究竟劉華口中「個女」，係契女？姪女？外甥女？定係親生女呢？
如果您喜歡這篇文章，請按「讚」或分享給您的朋友，以示鼓勵。
