尹蓁晞（Yumi）和師妹陳若嵐（Melody）昨日到尖沙嘴宣傳書展期間推出的寫真集，對於周秀娜的寫真集掀起疑似露乳暈風波，頓成為寫真及o靚模界焦點話題，Yumi與Melody表示不擔心寫真集會輯錄一些走光或穿崩的照片，她們說：「我哋會揀過所有照片，而且影嘅時候冇任何穿崩。」
「估唔到我有胸」Yumi與Melody指她們發佈了部份寫真作宣傳，但竟在信和的店舖有售，Yumi說：「身邊有啲識咗好耐嘅朋友，見到我嘅寫真相，話估唔到我都有胸。」身旁的Melody指認識Yumi一段長時間，知道她是有料之人，只是平時衣着較密實。
兩人坦言對自己的寫真很有信心，但也有參考其他競爭對手的作品，Melody說：「我哋睇過A.Lin嗰本，覺得OK，不過我哋就會買Angelababy嗰本，因為佢喺巴黎拍，景又靚、人又靚。」
