衞蘭喜奪白金唱片

衞蘭（Janice）昨日到海港城為新推出的首張英文大碟舉行簽名會，大會原定派發二百個籌，最後因為人數過多，決定改派四百個籌。Janice對於新碟推出一星期已奪白金唱片，感到很興奮，她說：「我同公司都好重視今次隻碟，家見到咁嘅成績當然會加強信心，令我有機會可以再出英文碟。」
Janice也希望有機會唱韓文歌送給母親，問到可有與妹妹衞詩分享喜悅時，她說：「當然我乜都會同妹妹分享，但我唔想提佢，想畀佢過正常生活，唔想令佢個名喺報紙度出現。」對於原定今晚在數碼港舉行的戶外音樂會，因颱風改至本月26日舉行，原來不少海外歌迷已來港，Janice表示為答謝歌迷，當晚一定會使出渾身解數。