台灣有個34F、「殺很大」嘅瑤瑤（郭書瑤），日本都有個同樣係34F嘅遙遙（綾瀨遙），而且日本遙遙比台灣瑤瑤出道更早。日本遙遙最近有套電影《巨乳排球》喺香港上映緊，因為仲未埋尾，所以未有正式票房出嚟，但電影喺日本本土就仆到直一直。原因？貨不對辦囉！
2
24歲嘅綾瀨遙，全憑34F巨乳喺日本藝能界打出一條「乳路」，電影、電視、廣告陸續有嚟，屬於「多產」女星。
對日本觀眾嚟講，綾瀨遙之所以走紅，情形就同台灣瑤瑤一樣，都係全憑一對34F嘅「超級碗」，出席任何綜藝節目都離唔開一對「巨乳」。就講電影《巨》，明明係一部類似《五個撲水的少年》式嘅勵志小品，都搵「巨乳」做噱頭，電影宣傳又不停「sell奶」，搞到一眾電車男不知幾期待。點知電影上畫第一日，就俾班電車男喺網上鬧爆、大呼搵笨，事關戲入面嘅綾瀨遙全程係T恤上身，仲要係包到密過密實袋嗰隻，想搵條罅仔睇吓都冇。結果，就因為佢「包很密」而搞到票房「跌很慘」。
電影《巨乳排球》入面飾演男子排球教練嘅綾瀨遙，因為完全唔露罅，冇咗電車男捧場，票房仆直。
有傳話佢之所以做到木村套新劇《Mr.Brain》女主角，就係靠「偉大嘅胸」得木村開心喎。
早前佢上一個綜藝節目，為咗證明巨乳堅過石堅，竟然大方到俾個主持人任搓任摸。
