o靚模「胸」群而出，準備7月22日「胸」襲書展。去年水着寫真大賣的Angelababy（楊穎），今年忽然升呢玩高檔，潮拜巴黎拒着比堅尼，宅男們未必受落。博出位的Kama（羅凱珊）睇準時機，處女下海搏命晒內衣，即時被睇高一線。
高處未算高，首次推出寫真的周秀娜（Chrissie），全程比堅尼晒32D巨胸，其中一輯更玩食雪糕至溶瀉落胸，意識大膽，務求令一眾宅男睇到噴晒鼻血。
見到有遊客在沙灘上食雪糕，周秀娜靈機一觸，搵雪糕做道具，舔舔脷擺出誘人食相，她說：「食到成個身黐呀！」
今年3月，周秀娜出發到塞班島拍入行首本寫真集《Kissy Chrissie》，影足七日六夜，日日18個鐘，扣除上落妝時間，她每日只得3個鐘休息，「每日影咁多個鐘，話唔辛苦就呃你，但當諗到呢本書屬於自己嘅，真係幾辛苦都值得。」
上圍大難買衫
市道低迷，難得公司肯斥資60萬拍寫真，Chrissie當然搏到盡，帶備超過100套比堅尼及內衣，預咗任試任影。「因為我上圍大，但係泳衣唔可以上下身分開買，所以好麻煩，出發前用咗好多時間搵衫。」塞班島出名陽光與海灘，Chrissie每日會至少去7、8個靚景影相，「去得咁遠影，當然唔可以嘥，就連起身或者臨瞓覺前，攝影師都唔放過我。」
拍攝期間，Chrissie無情情被班日本遊客叫打沙灘排球，她亦自然地將雙乳夾得更狠。
書名：《Kissy Chrissie》
取景地：菲律賓塞班島
售價：$98（全書128頁）
發行量：初版10,000本
推出日期：7月22日
賣點：終極豁出去，Chrissie雙乳夾桌球棍、刷牙及啜雪糕乜都肯制。
Baby賣貴氣今
次Angelababy推出的第二本寫集，走高格調路線，廿歲女原來都好有貴氣。
書名：《Miss Angelababy》
取景地：巴黎
售價：$128
發行量：初版20,000本
推出日期：7月21日
賣點：Angelababy不惜工本豪花過百萬請來14位工作人員（如樂基兒化妝師Will、髮型師Carr等），包食包住及機票到巴黎取景，寫真集還附送海報。
Kama內衣誘惑
早前Kama冒住泰國政變危險到當地拍攝寫真。
書名：《My Secret Album》
取景地：泰國蘇梅島
售價：$88
發行量：初版10,000本
推出日期：7月22日
賣點：出書前僅公開小部分照片吊fans癮，比較有睇頭算是着上私伙誘惑內衣的照片。
網民攻o靚模
o靚模盛行，近日就有不少網民群起圍剿，叫一眾o靚模滾出書展，為此周秀娜則說：「o靚模個名唔係我哋自己俾自己，我都係做番自己。」
o靚模隔空互片
塞班島大把靚景，Chrissie由早影到晚冇停過，「我最滿意就係呢輯，因為塞班島黃昏嘅天色好難捕捉，呢輯影得好型。」
Chrissie搏到咁盡，難免受眾o靚模車輪攻擊。日前Angelababy更不諱言說：「呢個風氣（露肉）唔係咁好，有時見到佢哋真係有少少過火。」Chrissie則表示：「好多o靚模喺書展出寫真，競爭好大，我暫時都係留意過baby今年出嘅寫真，同我唔同，佢玩型格啲。不過佢風格突然大轉，啲fans會難啲接受，但係baby寫真班底的確好勁，又去巴黎影，係有一定吸引力。而Kama輯內衣相都影得好自然，佢一直sell鄰家少女形象，估唔到佢夠膽影內衣。總之每個人有唔同諗法，我唔會去批評，我自己不嬲都搏到好盡，性感好小兒科啫！」
天使六神合體書名：《Taste of Angels》
取景地：澳門
售價：$128，書展攤位$98（全書160頁）
發行量：初版5,000本
推出日期：7月17日
賣點：《美女廚房》造就出6位美味天使，個個夠搏，三點式閒閒哋，六種口味，總有一、兩款啱你。
「藍莓」劉俐
左起：「腸粉」丁樂鍶、「春卷」王寶寶
「豆沙包」梁懿晴
八模最大堆頭書名：《Girl's look book Vol 1.2書展終極版》
取景地：澳門
售價：$68（全書152頁）
發行量：初版5,000本
推出日期：6月19日
賣點：八個模特兒共同出寫真，巨咪欠奉，不過勝在大堆頭人多勢眾，較為人熟悉的是被指執過樣的翻版阿Sa裴殷，靠其B cup胸撐住個勢。
裴殷
賴慧敏
新鮮組合
羅靖琋（上）、關紫藍（下）
書名：《SALALA's》
取景地：泰國布吉度假村
售價：$88（全書160頁）
發行量：初版10,000本
推出日期：7月22日
賣點：關紫藍（Asa）和羅靖琋（Annabella）分別18歲及22歲，絕對新鮮，唔似得一眾見慣見熟的o靚模。Asa說：「當然希望自己本書大賣啦，我同Annabella都係做好自己，唔會同人比較。而同期出寫真嘅，我哋就最睇好周秀娜，覺得佢好有型格同個性，Angelababy就好sweet。」
