黃日華有女初長成，他與梁潔華的19歲女兒黃芷晴，日前於棒棒堂演唱會亮相而備受注目。黃日華前晚被問到是否贊成女兒入娛圈時，他大爆女兒喜歡做戲，又讚女兒演得好，看來他做星爸的日子不遠矣。黃日華、元彪、高鈞賢和袁偉豪等前晚在九龍灣為電影《Laughing Gor之變節》拍外景，劇情講述任職警界的元彪撞車入院，一班卧底與元彪頓失聯絡，結果引發一場正邪大混戰。
「應該讀書先」
日前黃日華與梁潔華的愛女黃芷晴到紅館欣賞台灣人氣組合棒棒堂演唱會，獲成員王子拖住上台繞場一周及情深擁抱，對此黃日華笑說：「我嗰日車個女去睇騷，有人問介唔介意個女上台，個女跟咗佢哋（棒棒堂）兩年，好鍾意佢哋。」
不少人大讚黃日華的女兒芷晴樣子標致，有條件入娛樂圈，未知他可贊成女承父業？他說：「應該讀書先。其實個女都鍾意做戲，但就係做舞台劇，我都有睇過，做得唔錯。」那麼若女兒入行，黃日華會否反對？他說：「個女家得19歲，我都係想佢讀好啲書先。近排我同好多新演員合作，有啲我入行拍戲佢哋分分鐘都未出世，感覺好特別。」問他有沒有興趣重返無綫拍劇時，他說：「有傾過，但唔敢拍，自己冇以前咁捱得，希望每日有6小時休息，就算係拍，都想同啲識得做戲嘅人合作，好似黎耀祥同鄧萃雯咁，唔想同啲懶懶散散又唔熟讀劇本嘅人合作。」
黃日華昨日在尖沙嘴一餐廳錄影《志雲飯局》，他揚言不介意被問及與太太的感情事，陳志雲送上小型卡拉OK、《香城浪子》DVD及手錶給他做禮物。
棒棒堂日前在紅館開騷，黃日華愛女黃芷晴（左）被王子拉上台繞場一周。 資料圖片
