上個禮拜六（七月四日），周慧敏孖住老公倪震，到奧海城為「全港兒童及青少年T-shirt 創作比賽」擔任評判。
當日記者集中火力追問上個月尾，倪震現身夜場，撞見盛傳佢力追過嘅樂壇新人雨僑(羽翹)，點解驚到「借尿遁」鬆人。
老公夜蒲再開屏，問倪太介唔介意？周慧敏臨危不亂，以極度信任嘅眼神望實老公，才子倪震毋須兩秒就諗到點解釋：「我同（夜場）老闆係朋友，都有傾合作嘅事，（嗰晚你突然間走？）我過去打個招呼，起碼坐咗15 分鐘先走……佢（Vivian ）唔知我去。」
為咗賀老友，連夜蒲批文都無攞，倪太依然力撐：「都係正常社交啫！我哋唔使交代。」開屏無罪、夜蒲有理，周慧敏嘅御夫術，睇怕唔係個個女人都接受到。
雨僑(羽翹)（《蘋果日報》圖片）
27/6
夜場巧遇雨僑(羽翹)，倪震堅拒合照，並否認當日「借尿遁」鬆人。
去蒲老婆最贊成！（設計對白）
老公你啱哂！（設計對白）
倪震解釋夜蒲因由，身旁嘅周慧敏一直keep 住呢個誠懇嘅眼神，欣賞指數爆晒燈！
