夏日炎炎，o靚模潮湧現，當中不少新人為讓觀眾加深印象，特別以翻版封號省招牌，可是新人輩出的o靚模資質參差，其中趙碩之兩位師妹包括去年的工展小姐、貌似鄧穎芝的Connie及擁35C上圍的吳莉珊，但她好揀唔揀，卻揀做「豬扒港姐」張嘉兒的翻版，認真倒米。
o靚模當道，林建名的大名娛樂今年也力捧旗下新女加入o靚模行列，分別是24歲的「A貨張嘉兒」Elisa和去年的工展小姐亞軍、19歲的林寶玉（Connie）。Elisa和Connie前日在大浪灣穿上性感比堅尼玩水曬太陽，又互相推油，嬉水作樂，相處融洽。二人大騷本錢，勢要夾擊師姐趙碩之。
35C、25、36
以Ａ貨張嘉兒之名做招牌的Elisa，力谷豐滿上圍。
Connie擁有32D、24、35豐滿身材，黝黑皮膚驟眼看似鄧穎芝。身形平均的Connie表示已拍攝財務公司廣告，即將播映，問她是否想走邦民女Kama（羅凱珊）的路線，做其接班人？Connie說：「唔係，冇話比較，佢有佢嘅優點，我性格比較直同好動，講嘢好粗魯，好似男仔，以爽朗取勝。」
至於擁有35C咪咪的Elisa，被譏有pizza臉，與「豬扒港姐」張嘉兒長得餅印一樣，其公司索性稱她為A貨張嘉兒，認真勇氣可嘉。
Elisa（左）和Connie在大浪灣暢泳，樂在其中。
24歲的Elisa年紀比其他o靚模似乎大了點，但她仍自信可突圍而出，她說：「每個人都有唔同特色，我自問笑起嚟夠甜，雖然年紀大啲，但我思想會成熟啲，唔會同其他o靚模一樣嗌交，我亦唔介意行性感。」不少選美都會以殺傷力低的佳麗擔任友誼小姐，看來Elisa都有當「友誼o靚模」的潛質。
