楊怡、馬浚偉和黃浩然昨日在電視城為《碧血鹽梟》今周的結局篇宣傳，活動上馬浚偉和黃浩然分成兩組玩遊戲爭奪楊怡，艷福不淺的楊怡更被兩男隔着心形膠片獻吻，事後楊怡笑說：「係佢哋有艷福咋，不過我好怕見到膠片上啲面油，雖然唔係惡心，但係一陣都會去消毒。」
李添勝被拖下水玩遊戲，眾女親吻令他表現尷尬。
談到《碧》劇的平均收視一直徘徊27、28點，楊怡說：「始終上一部《巾幗梟雄》啲成績咁勁，雖然今次冇預期咁好，但係我覺得算係正常收視，而且聽講口碑都幾好，所以唔覺得失望。」馬仔也滿意收視成績，不過因為工作的關係，所以不會相約大家齊齊看結局。
此外，監製李添勝昨日也被拖下水玩遊戲，他與楊怡玩完爭吃雪米糍後，又被一眾女演員輪流獻吻，雖然隔着心形膠片，不過也令添哥表現尷尬。
