羅凱珊（Kama）昨日化身白雪公主出席「迪士尼小公主國度揭幕儀式」，與一班小朋友齊齊扮公主，她表示想做白雪公主，問到有指雜誌記者T先生是其男友，Kama昨日否認其事。
日前有報道指因鄧麗欣（Stephy）自薦拍攝新片《撲克王》，男主角鄭中基更幫她踢走Kama，搶走女主角位置，Kama回應說：「冇咁嘅事，一早已經book晒期，而且大家角色唔同，戲中我同古天樂最多對手戲。」問她戲中跟古天樂可有親熱戲？Kama說：「冇，因為戲中係講我暗戀佢。」
講心唔講金
Kama大談擇偶條件，最重要真心相愛。
談到古仔是否符合Kama的白馬王子條件？她說：「都鍾意黑黑實實呢類型，不過最重要真心相愛，年齡同金錢都唔會計較。」Kama將於本月書展出寫真，sell健康性感，大部份是三點式泳衣照，問她的性感極限，她說：「全裸未試過，等我大個啲再激啲，走靚同健康性感路線。」
