荷李活新片《變形金剛狂派再起》（Transformers：Revenge of TheFallen）昨日在旺角新世紀廣場舉行宣傳活動，吸引大批市民圍觀。諸葛梓岐、狄易達、陳偉霆和胡敏珊等嘉賓為現場1比1原大、高20呎的柯柏文揭幕，大會又安排狄易達和陳偉霆分別與機械人cosplayer比試。
陳偉霆（左）和狄易達眼見身後的巨型柯柏文後，即時興奮跳起。
諸葛梓岐以熱褲現身，提到《變》片時她說：「我睇咗喇，好好睇，啲特技有十足視覺刺激。」她又提到小時已接觸《變形金剛》卡通，她說：「細個睇過卡通片，但女仔都係對《小丸子》呢啲卡通有興趣啲，可愛嘛。」諸葛梓岐更想與《變》片女主角美瑾霍士（Megan Fox）一樣演有型索女。
與機械人大黃蜂比「舞」的狄易達，對現場見到扮演機械人的cosplayer感興趣，他說：「想睇3D版，但係未必有時間。」問到同公司的裕美哭訴被公司冷落而要求解約，他說：「其實經理人好錫佢，我唔知佢係咪真係要解約，但係我相信公司都錫佢。」
