林熙蕾昨日到九龍灣出席Dior Parfums新店開幕，大會更安排了多位模特兒包括周立璟前女友Ana R.、陳逸璇及「翻版徐子淇」Zelia齊穿上白裙出席。林熙蕾透露9月會與楊紫瓊合作拍古裝片，她說：「第一次拍古裝片，我都擔心自己個樣唔夠古典，喺片內我要耍劍，預咗要接受一連串訓練。」
兩年後嫁朱孝天
談到男友朱孝天會否擔心林熙蕾拍武打戲受傷，她說：「有少少啦，家人都擔心㗎，或者有時間叫佢教我耍太極啦。」講到兩人可有定婚期，她說：「都傳到冇晒感覺啦，一日未結婚都唔知有乜嘢事發生，或者一、兩年後先諗啦。」至於生BB問題，她說：「都想，不過家個世界咁亂，都唔知會有乜嘢事發生。」談到朱孝天曾與台灣女藝人楊謹華相戀，她一聽即說：「我唔識佢。」
