17歲美少女廚神胡心諾Rainbow昨日與另外4位o靚模推出寫真集，被本報踢爆與老闆Admond挽手拍拖的她，死撐指照片只是角度問題，擺明講大話。而Admond昨日臨時縮沙未有現身，不過繼被踢爆拍拖之餘，又被趙碩之指出糧唔啱數，夠哂頭痛。
是非o靚模胡心諾昨日與Lavina（鍾蕙芝）、E Cup Baby劉欣宜（Miyoko）、翻版Twins周凱盈（Monique）和勞詠君（Tian）一同到旺角信和中心，出席《夏之盛放》寫真集首賣。現場約數十fans排隊，加上傳媒近百人逼爆現場。
狂眨眼心情緊張Rainbow對本報踢爆她與老闆Admond的戀情明顯有備而來，但與記者對答時又不斷狂眨眼，似乎十分緊張。被問到拍拖多久時，她說：「其實我當佢係哥哥，啲相都係角度問題啫。」被追問手挽手又攬腰掃pat時，她繼續死撐說：「都係角度問題啫。」更肯定地說沒有拍拖，擺明講大話。之後她又否認於男方家中過夜，她說：「其實係最近工作好忙，收工之後上去拎返架PS3，半個鐘就走咗。」
之前趁紅即借勢封胸的趙碩之，面對來勢洶洶的o靚模，昨日即以一身性感打扮出席另一活動，又踢爆Admond出糧有問題，她說：「我係兩、三年前曾幫佢做過一次影相會，當時我已知Admond同一個家唔活躍嘅model拍拖，佢仲呃我哋鐘，明明係影9粒鐘，但係就畀6粒鐘錢，對於我哋努力搵錢嘅學生係唔公平囉，不過佢就冇媾過我。」
湊女變媾女的老闆Admond臨時縮沙未有出席活動，他更與小女友夾口供，死撐未有錫女友額頭，更辯稱只是Rainbow有異物入眼，他接受電話訪問時說：「我哋唔係拍拖，不過成日都咁玩，見到嘅嘢係角度問題啫，我冇錫佢，可能因為佢有沙入眼，我幫佢吹走啫。」
擺明蹺手
Rainbow和Admond被本報影到拍拖照，兩人蹺手態度親密，但仍死口講大話否認。
擺明蹺手
Rainbow搭上公司老闆Admond，兩人日前在銅鑼灣公然拖手斷正。
方力申：唔關我事
五位o靚模出寫真，以三點式上陣即時吸引fans掃貨。
雖然兩人死口不認拍拖，但事實上本報記者當時於現場清楚目擊兩人拍拖的甜蜜溫馨，更拍下獨家短片，讀者可隨時上蘋果網瀏覽重溫。而早前被指狼媾Rainbow的方力申，昨日到亞洲博覽館出席記者會時回應時說：「我有睇報道，不過唔會回應喇，根本成件事由頭到尾都唔關我事。」
採訪：駱華齡、藍文浩
攝影：仇志德、陳俊強
小八卦：平價寫真出錯相
昨日有數十fans一早到場排隊，第一人早於9點就到場，認真捧場。雖然寫真集只賣$68，加上短短時間極速推出發售，當中難免出錯。書中各人所佔篇幅相若，單人各佔17頁，Monique與Tian則分享25頁，不過E Cup Baby篇幅其中一頁卻誤刊Lavina照片（右圖），有照片重複出現情況。
