椋名凜身材出眾，唔怪得佢夠膽話性感演出係冇底線。
椋名凜被指扮有錢住六本木，佢經朋友繙譯話：「住六本木係我鍾意，同細佬住，我冇話我有錢，我係出身小康之家。」佢仲話如果劇本適合，唔介意冇底線嘅性感演出。而近來好惹是非嘅諸葛梓岐被傳收8,000蚊搶周秀娜工作，佢大發嬌嗲話：「我唔講幾多錢，總之唔係呢個價錢。」
至於Ball場常客馬清偉同女朋友一齊出現，講到前妻薛芷倫（Fanny）早排個嘴突然變厚咗，惹嚟整容疑雲，馬清偉話：「我有同佢見面，人大咗味道唔同咗啫，我唔覺佢唔同咗樣。」問到Fanny係咪好多男朋友，馬清偉笑笑口話：「佢咁靚女，應該多。」
