四度改名的女歌手蕭希榆（原名蕭瀟），香港出道，其後轉戰台灣，再回流香港，人生地圖兜了一大個圈，結果還是要施展女人本能，在沙巴拍攝性感寫真博一鋪。今次她半裸騷33B上圍超激上陣，並稱拍前一周才勤做sit up，玩念力「我會好瘦」自我催眠，結果神奇減磅，真係信不信由你。
從蕭蕭、蕭瀟、蕭凱彤到現在的蕭希榆，由香港飄洋過海到台灣至今年回歸扎根，純情小女生變身創作歌手，變過不停的蕭希榆最近到沙巴拍攝下月推出的寫真集，實行搏盡出擊。
狂諗「我會好瘦」蕭希榆在寫真中不乏穿比堅尼展示陽光feel的照片，又穿吊帶低胸裝坐浴缸，但最激莫過於半裸上身、以長曲髮遮掩胸前，配上其嫵媚表情，肯定令男士們睇到流鼻血。
現年30歲的蕭希榆體重約103磅，三圍33B、23、33，十分標準。雖然她得天獨厚食極唔肥，不過拍寫真不容有失，拍前一周臨急抱佛腳極速減肥，她前日在電話中說：「我本身係鍾意食嘢嘅人，但體重冇乜問題，我平日完全冇運動，喺拍之前有做吓sit up。」
蕭希榆揚言靠念力減肥，這才令人嘖嘖稱奇，她說：「我睇過一本書叫《秘密》，係講一個吸引力嘅法則，我會諗『我會好瘦，唔會有肥肉！』諗多啲呢啲咁囉。」實情等同自我催眠，是否靠得住見仁見智。
在度假村內整裝待發的蕭希榆，看來有點心情緊張。
蕭希榆為拍寫真集，特地遠赴沙巴。
清場拍照勁緊張
坐在浴缸內拍照的蕭希榆，穿小背心實行性感大解放。
寫真集中蕭希榆有10多個造型，但承認半裸拍攝的確令她心驚膽震，她說：「之前有戴bra㗎，影時同攝影師張文華有溝通，後來先除咗，當然前面係有貼嘢，除咗攝影師同助手之外，全部清場。我從未試過咁樣影相，所以好驚、好緊張，但出嚟嘅效果唔係肉感嘅性感。」她又謂希望大家能接受其性感，知道她存在之餘，也希望別人能留意其工作表現。
