人氣模E Cup Baby（劉欣宜）連同Lavina（鍾蕙芝）、Rainbow（胡心諾）、Monique（周凱盈）和Tian（勞詠君），以博到盡的水着look搶攻電車男，她們的寫真集《夏之盛放》將於下周四搶灘發售，每本訂價68元。
「同佢真係唔熟」
穿上泳裝的Rainbow，青春無敵。
5名模日前換上三點式泳裝，在沙灘拍攝寫真，其中以同樣擁有34E巨咪的Lavina和E CupBaby最搶鏡，兩女雖曾傳不和，但鏡頭前仍笑臉相對。問到Lavina最想從E CupBaby身上取走那一部份時？她說：「我好鍾意佢對腳，好羨慕佢夠幼。」
E Cup Baby則謂喜歡Lavina的耳朵，她說：「我天生一對兜風耳，唔可以梳all back髮型。」會以甚麼作回報？她說：「我可以換番塊面畀佢，Lavina好白淨，如果配埋我塊細面一定仲上鏡，但我強調唔係話佢塊面over size，只係細啲仲靚啲。」她又謂覺得Lavina在她心目中值80分，為何扣走20分？她說：「有時一個人談吐、衣着同打扮都好重要，我同佢真係唔熟，相信將來熟啲或者會加分。」
