希望大家花少少時間睇既信
我地會實施新規舉，如果係回覆時只係留公仔、thx、多謝晒、thx for sharing之類既字眼，將會收到警告（例外情況：如果你想多謝其他人既回答或分享，是可以既）。
回覆公仔、thx、多謝晒、thx for sharing---到底有甚麼問題？
樓主將知道既著數或優惠，用私人時間為各位post出嚟，除左希望大家可以一齊享受著數外，亦希望得到大家一d鼓勵性既回覆。
但當所有人都係回覆公仔、thx、多謝晒、thx for sharing之類敷衍而毫無感情既留言，相信大家見到咁樣既回覆，都唔會花時間繼續睇落去。其實大家係回覆既時候，打多幾隻字，不單可以令出帖既樓主知道，自己辛苦搵返嚟既著數，能夠令大家得益，亦得到大家既認同，相信各位樓主會更加願意花時間去搵著數俾大家，而各位睇post既時候，亦可以知道其他會員對呢個著數既回應，一舉兩得。
所以希望大家以後回帖時，可以多打幾隻字，令回帖內容豐富，咁做除左令出帖樓主感受到大家既心意，亦可以加強帖子的內容。
當大家去睇一個著數post既時候，亦可以參考其他會員的反應，呢個一舉兩得既簡單工作，相信各位都願意幫手。
每一個著數帖，都係樓主花上自己私人時間及精神為各位搵出嚟，如果能夠加上大家用心既回覆，就令到帖子更加相得益彰。
如果真係想感激樓主，可以用實際行動,click一下
，俾個心心作為鼓勵，而取代只回thx、多謝晒、thx for sharing之類的留言，簡單又實際，相信大家都會樂意去做。
咁做並唔係要強逼大家花大量時間去回覆，只係希望大家可以打多幾隻字，令到帖子內容更加精彩，相信各位都會做得到。新規舉將會於
7月1日實施，相信到時大家所睇到既帖，內容將會更加精彩。
如果大家有任何意見，亦可以提出，一個網站既成功，需要各位會員同心協力。
其他參考資料:
GetJetso.com 最新版規(09年5月22日更新)-
https://www.getjetso.com/forum/thread-314329-1-1.html
