引用:
原帖由feifei_ng於2009-6-8 01:16 發表
我都收過話送船飛,
我話唔得閒去玩,D飛我送俾你啦,
條友即啞口無言
其實琴晚既星期日檔案我都試過其中兩單,一個係話送船TICKET,即係話叫你俾錢買個PLAN,當儲錢去旅行,好在我個FD借個男友俾我,佢個樣好惡0家!所以到最後都走到,無俾到錢,但係真係有船TICKET攞番,不過一睇張TICKET就知係一架賭船啦!都最後都係無去到既!
令一單就係響街話你身型好岩佢既服裝品牌啦!叫你上去試身,果次係響CWB,0甘我見得閒又等個FD食LUNCH,就上去睇睇啦!我心諗,生完BB都未收身,試咩運動服呀!都好啦!上去試下,點知試完就入房叫你JOIN個美容COURSE先,我就唔記得幾錢啦!都幾萬啦!跟住就叫你JOIN個儀態COURSE啦!又唔知幾錢啦!因為都幾年前啦!到最彼後,我話無錢喎!我無野做0家!邊有錢買呢d course呀!佢話分期俾信用card都得,我話無card喎!但係佢都唔俾我走,係0甘問我有無card,其實佢都知我身上有card,不過我係都話無,你都吹我唔漲0家!
所以大家真係唔好信一d係0甘問你攞credit card,佢問你,你身上有10張你都話無,銀行有幾十萬,你都話無錢,唔洗同呢d人講真話!俾錢時真係諗清楚先好俾,唔係就真係無人幫到你呀!
