Baby 首度行婚紗騷，與同門師弟兼緋聞新歡James 以新人姿態行騷。
陳偉霆比女友早一小時現身會展，但他謂不會留下欣賞女友行騷。
模Angelababy （楊穎）和男友陳偉霆（William ）昨日先後在會展出席婚紗展活動。Angelababy 以法國婚紗代言人身分，與緋聞師弟James 蹺手行婚紗騷，隔空上演「愛人結婚了，新郎不是我」場面。
問先出場的陳偉霆會否看女友行騷，他說：「頭先有call 過佢，佢想睇我跳舞，但我之前做嘢只瞓咗一個鐘，之後又做嘢，所以唔會睇，佢會體諒。」問他有否見過情敵James ，他說：「未見過，但佢幾靚仔。」想不想與Baby 合作影婚紗相？他說：「公司唔同，好難，唔想用緋聞情侶賺錢，但Mani （經理人霍汶希）冇阻我拍拖。」
口供唔夾
Baby則謂透過活動海報才知與William 同場，記者告知William 稱曾致電她，她即扮失憶：「佢冇call 我，佢打錯，今晚（即昨晚）我會捧佢為阿Rain 演出嘅騷場。」她又澄清傳聞指她和James 在巴黎和日本工作時撻着：「佢都冇去到，得啖笑。」記者追問她覺得兩男誰較靚仔，她笑說：「兩個都靚仔。」
此外，吳卓羲也夥拍「謎女郎」呂慧儀行騷，問吳卓羲想甚麼時候結婚？他說：「預計40 幾歲，事業有成，養到老婆同個仔先得。」他又透露正和汪明荃合作拍劇，並飾演電車男。
蘋果日報
