自言不介意著三角泳褲上陣的胡心諾，因學校詐型要改著短褲。
出道年多的「美少女廚神」胡心諾，自爆被方力申狂溝，加上肯露的32B 上圍，結果雜誌頻頻搵佢做訪問，廣告商亦搵佢去function 和拍網劇，人工忽然五級跳。既然個勢咁好，梗係賺得幾多得幾多，讀中四的她放學即刻去銀。「試過連續五日放學都做，攰到爆，返屋企即刻瞓，好彩學校無功課。」
有更值得投資的「活動」，她向學校請假都要去，就算著bikini 在男嘉賓面前騰來騰去都沒所謂，「著bikini 唔係特別事，身邊model 都著，唔著仲異相。」咁搏，抵佢月入過萬，成功脫貧，「我每星期零用錢得百五蚊，喺屋企無嘢做，不如見吓世面。」
在節目又嗲又餵方力申做紅自己後，Rainbow胡心諾速撇小方，「過咗去唔好提嘞！」
上週二，Rainbow胡心諾出席PS3 網劇《夏之盛放》活動時，被E Cup Baby （右二）及日版Paris Hilton （左一）的巨乳夾攻。
現在時興翻版模特兒，胡心諾（Rainbow ）亦是靠「幼版JJ 」之稱，再拖方力申落水煲紅自己。同事對她出入坐什麼車好有興趣，不過話明翻版，身價比正貨平，出入只能坐巴士，「我係學生，坐巴士都正常。」然而其內心卻嚮往有更好的待遇，「我都想搵多啲錢請保母車。」為了賺錢，現於玫瑰崗讀中四商科的她，呢頭話不想請太多假免影響學業，但大客仔PS3 搵佢拍網劇，她即刻請假著bikini 上陣。頻頻性感，學校無詐型嗎？「Miss 唔鍾意，有個Miss 話不如唔好讀書，去做你嘅model ，做你明星。我有唔開心，有諗過全職做model ，但最basic 要讀埋中五。」成日肉感見人，同學都暗自偷笑，加上學業成績差，全級廿人她考十二，無心向學，家人無反對嗎？她搵錢大過天話：「媽咪有講點解咁sexy ，佢都係老人家思想。有同學問我點解接bikini ？其實健康都接受到，有個女仔仲幫手剪起啲有關報導。」
略帶baby fat 的她，每次影相都要收肚腩，「我開始唔食晚飯，食多啲番茄麥皮。」
見錢開眼
表面講到同學撐，實際網上已有反胡心諾大聯盟，數她六宗罪，包括吸煙、被踢出校，發明星夢、流連夜店、搞tomboy ，自製緋聞搏上位。她掩耳盜鈴話：「JaniceMan 初初都有人唔鍾意，實有喜愛同唔喜愛你嘅人，我盡量唔睇呢啲新聞。我係曾經吸煙，試吓啫！至於被踢出校，其實係我自己退學，想睇吓返工啱唔啱自己，但發現點都要完成中五好聽啲，於是讀番書。」
Rainbow 說入行是無心插柳，並不如坊間說她發明星夢。「中二、中三時陪朋友試鏡，試鏡間模特兒公司又有影會，我就做咗影會model ，之後俾依家間模特兒公司簽咗。我唔細，機會嚟無理由唔把握。」當時龍友約她影相，八百元四小時，她一星期零用才只有百五元，曾經在麥當勞工作的她，當然寧願著性感啲俾龍友影。「同學成日買新嘢，我買衫就要一件起兩件止，橫掂喺屋企無嘢做，不如見吓世面。啲龍友準備乾糧、雨傘俾你，人工高又輕鬆。」
去年挾着《亞洲遊戲展》Game Girl 亞軍，身價雖然升至千二元影三小時，但她說直接接商場騷去event 好過。「出咗《美女廚房》後，人工升咗五、六倍，月入過萬。」早陣子她連內衣照都接拍，「當初都有尷尬，因為攝影師是男人。」一次生兩次熟，Rainbow 已豁出去，並借機宣傳不介意接內衣騷。「著過覺得bikini 和內衣差不多，只要唔太性感、唔係T-back 都OK 。」
網友踢爆Rainbow 爛玩，癲起嚟會豎中指影相。
曾經輟學的胡心諾（右），現正攻讀商科，但就經常缺課。
Rainbow 說：「我唔係紅，剛出道有新鮮感啫。」為了保持新鮮感，她不惜經常性感上陣。
胡心諾又真係好肯搏，橫風橫雨下不介意淋雨影相。
剝完轉型
她如此賣力，以為她家境清貧賣肉救家，其實她母親是家庭主婦，有一個大她八年的哥哥，父親職業她不願透露，一家住筲箕灣私人樓，她不用付家用，純粹賺錢買花戴。不過花無百日紅，同類型肯剝肯做的模如E Cup Baby 、A.Lin 等大有人在，Rainbow 自然要不斷自我增值，包括減肥、學跳舞和唱歌，她想好似JaniceMan 撈埋電影界，又以周汶錡和Angelababy 做目標，希望有護膚品牌找她做代言人。她立下目標，到廿四歲依然紅不起的話，便不賣肉轉行賣女人衫，「女人錢易賺嘛！」唉！世界邊有你諗得咁美好。
