從未試過爆房的方皓玟，在床上擺出誘人甫士。
樂壇新人方皓玟日內推出新碟，日前她拍攝唱片封套時作出大突破，除了穿低胸裝賣性感外，更選擇到九龍塘的時鐘酒店爆房作為取景場地，令她既好奇又尷尬。
方皓玟為新碟拍封套照片，不惜與攝影師闖入時鐘酒店拍照。
同攝影師入酒店
提及當日爆房過程，方皓玟即笑說：「其實今次都係designer 同唱片公司諗出嚟嘅構思，佢哋想個感覺夏天啲又有少少性感嘅，於是問我有冇興趣爆房影相，我咁大個女都未試過去九龍塘嘅酒店，都不妨睇吓。」
方皓玟續說：「嗰日我同攝影師行入酒店時都有少少尷尬，不過我同佢好熟，可以好放心，入咗房之後佢叫我隨意喺窗邊同床擺吓甫士，希望個feel 誘惑啲，惹人遐想，好彩效果都唔錯。」
