你地入左去之後,會見到個版面有勁大個banner 寫住1百萬個機位,跟住你睇番你想去邊。香港淨係去到泰國同埋吉隆坡。又或者你地可以再轉機去第二度。佢個promotion係一月至四月有機位。
假設你地想去泰國,你就係左面個度click 由邊去邊,幾時去,幾多位去search下。不過你有時間個陣都未必有免費機位。因為可能一日得一班機得一至兩個免費機位,仲要俾人攞埋。
你就要每一日都睇下有無免費機位去,但係又未必有免費機位番。
到最後...我睇番成個二月,有幾日有免費機位去曼谷,但係就要俾可能最少三百幾蚊既回程費用,因為已經無晒回程既免費機位。
咁你地揀完邊日去邊日番,咪填個人資料,最尾入埋credit card info 就ok 啦~
