隋棠「輸波」冇問題，一招「下策」，一樣成為聚光點。爽晒！
一向作風大膽嘅台灣名模隋棠，上個星期佢又嚟料啦！
呢位阿姐上個星期出席一個名為「地球減碳」嘅運動，同場仲有被稱為「部落格一姐」嘅女王。
有「部落格一姐」之稱嘅女王（左），當日以低胸小背心上陣，逼得隋棠惟有以「下」策應戰。
當日隋棠要着一件超緊身嘅運動衫，件衫啱啱將個胸遮住，仲要係窄到將佢個胸壓到幾乎變咗飛機場。冇嘢睇事小，俾着住低胸小背心嘅女王搶鏡事大吖嘛。加上佢不嬲有鋪露露癮，既然上邊冇嘢睇，惟有出「下」策咯！只見着住短裙仔嘅佢，一坐上單車度，立即擘開對腳，扮到好用力咁踩呀踩呀。各位讀者，當時情形相信唔使媽咪姐畫公仔畫出腸都諗到啦啩。
