靠32F 「童顏巨乳」走紅嘅瑤瑤（郭書瑤），曾經話過唔想俾人覺得波大無腦，於是堅持繼續讀書，更抽時間學日文學結他，希望充實自己。
瑤瑤對事業胸懷大志，但對感情事就同普通時下少女一樣咁麻木，堅信男友劉建忠無一腳踏兩船，更甘心俾對方利用，安排男友經常見報，開通娛樂圈方便之門。
第三者
瑤瑤走紅之後，傳媒陸續收到報料熱線，指瑤瑤係第三者，佢男友劉建忠有位讀大學嘅女朋友小曼。對於種種傳聞，瑤瑤早前帶埋男友一齊見記者，強調劉建忠同小曼以前的確有拍拖，但今年二月已經分手，至於佢同劉建忠，係响三月開始一齊。
正式公開戀情，瑤瑤更為男友澄清，對方冇利用佢加入娛樂圈：「他根本就不想進演藝圈呀！之前我還問他，要不要我幫忙，但是他說他不要呀！怎樣會說他要利用我呢！」
賤很大
劉建忠有瑤瑤力撐，但佢口中嘅過氣女友小曼，就响blog 內以「反感」為題，寫着「我不想和某個疊字輩的人相提並論」，擺明講緊瑤瑤。兩女爭一男，呢場三角戀明顯瑤瑤佔優，而想盡享齊人之福嘅劉建忠，不斷叫小曼忍耐一下，強調佢同瑤瑤之間冇真感情，劉建忠同佢喺埋一齊只不過想做明星。
小曼心甘命抵忍受男友同人兩份分，劉建忠仲要賤格到，每次同瑤瑤鬧交，走去問小曼有咩氹女妙法，甚至當小曼係速遞員，叫佢半夜三更一個女仔送件衫去自己屋企樓下，劉建忠呢位世紀賤男，唔知瑤瑤仲要盲幾耐！
男友傳聞滿天飛，瑤瑤同佢一齊做訪問澄清，仲响記者面前打情罵俏，唉，又唔係靚仔，咁都有人爭。
小曼開blog 影射瑤瑤，據聞劉建忠知道後即刻叫佢剷走段文，做人「大婆」想訴兩句苦都唔得。
被男友利用入娛樂圈都唔知，瑤瑤果然波大無腦。
