莊思敏揸住疊利是封周圍募捐，不過幾十人籌得四千幾，成績麻麻。
莊思敏喺胡定欣手中撬走吳浩康，轉眼三年。上星期四（三十日），莊思敏廿九歲生日，喺銅鑼灣一個私竇開party ，阿Deep 專登同壽星女著到成身紅色，襯到絕。
當晚唔少朋友都有送禮物，但莊思敏就攞住疊利是封四圍問人攞錢。佢唔係發錢寒，只係想趁自己生日做番件好事，捐啲錢俾癌病基金。
不過全場問勻都只係籌到四千幾蚊，要壽星妹自己再攞五千幾出嚟，湊夠一萬。
都啱嘅，做番啲功德，補吓飛囉。
阿Deep 領唱生日歌，又送蛋糕，不過佢話女友未知想要乜，未買禮物。
拍拖三年，但有傳莊思敏不時俾人騷擾，甚至兜口兜面喪鬧，矛頭直指阿Deep 前女友胡定欣。
