楊梓瑤Carol 上年12 月正式簽約Starz People ，現正修讀浸大傳理系副學士。「讀書最緊要，如果影響考試我寧願唔做。」Carol 在訪問中不斷重申自己喜歡讀書：「冇知識有身材都冇用。」
《美女廚房Ⅱ》收視高開，憑住主持鄭中基一句：「愈驚嘅嘢愈要面對！」擁有34E上圍的楊梓瑤（Carol ）一夜成名。截稿前仍憑過千票數登上「美少女廚神」榜首。
o靚模戰場愈鬥愈激，今年20 歲，仲讀緊副學士學位的Carol 就睇準同門師姐Janice Man （文詠珊）離巢頻頻着比堅尼爭取曝光。好嘢唔怕晒，有身材有樣的Carol 仲暗寸師姐及一眾o靚模唔夠佢「堅」，「我身材好過佢哋，大胸入行的確有好處嘅。」
餓男狂 Carol 出現在第二集《美女廚房》，包得密實仍難遮掩澎湃上圍，引得鄭中基瞪眼喪。
Carol 楊梓瑤 20 歲
身高：165cm
體重：44kg
三圍：34E 、24 、33
學歷：浸大傳理系副學士1 年級
最愛男明星：劉德華
擇偶條件：讀書叻過我，現任男友係同班同學
最佳第3 者：鄭中基，我唔開心實識氹我
最滿意自己：眼最靚
最唔滿意自己：耳仔，因為兜風
雖然跟同為Starz People 模特兒的Janice Man 同樣20 歲，但Carol 擁有34E 上圍，加上夠放夠大膽，莫講穿低胸衫上《美女廚房Ⅱ》冇尷尬，就連着比堅尼都冇say no ，贏師姐幾條街，「我諗我身材好佢少少，夠膽影吓泳衣相，可以接多啲唔同類嘅job 。」
阿姐唔睬 5 月3 日，Carol （右一）已拍住姐級o靚模諸葛梓岐（左一）出席荃灣廣場活動。諸葛面對一班新模威脅亦出盡法寶，不時用手肘頂住旁邊的日模椋名凜，而Rainbow （右二）亦唔肯讓位。
出騷大陣仗 同場出席有成6 位model ，但只有Carol 有化妝師同助手跟場，連諸葛梓岐都冇咁大陣仗，Carol 果然備受力捧。
上年陳曉東MV 〈自白書〉搵女主角，從十幾個女仔中揀中Carol ，因她有鄰家feel 喎。
Carol 身材成為焦點，網友仲話佢正過E-cup baby 同Rainbow 添。
